Mae pererinion Pontarddulais yn dychwelyd i San Teilo yn Sain Ffagan

Teithiodd mwy na 30 o bobl o Bontarddulais i Amgueddfa Hanes Genedlaethol Sain Ffagan i addoli yn Eglwys Sant Teilo — yr adeilad canoloesol a safai yn y dref cyn cael ei symud i'r amgueddfa.

Arweiniwyd y gwasanaeth ar gyfer Dydd Gŵyl Teilo gan y Canon Huw Mosford a'r Parchedig Ian Davies, gyda'r anerchiad gan ficer Pontarddulais y Parchedig John Gillibrand, gydag aelodau o Gyngor Tref Pontarddulais hefyd yn bresennol.

Yn ei anerchiad, myfyriodd John ar esiampl Sant Teilo ac anogodd y gynulleidfa i fyw'n ffyddlon yn y presennol gan ymddiried yng ngras Duw ar gyfer y dyfodol. Siaradodd hefyd am rôl adeiladau eglwysig y tu hwnt i addoliad y Sul, gan gyfeirio at weithgareddau cymunedol sydd ar y gweill yn lleol.

Dywedodd y trefnwyr fod y digwyddiad wedi cael croeso cynnes a'u bod yn gobeithio y bydd bellach yn dod yn bererindod flynyddol.