Goruchwylwyr Ffyddlon

Gellir dod o hyd ar waelod y dudalen hon i fanylion ynglŷn â sut i gofrestru ar gyfer y sesiynau i ystyried yr adroddiad Goruchwylwyr Ffyddlon.

Y Comisiwn Athrawiaethol Sefydlog

Diben y Comisiwn

Diben y Comisiwn Athrawiaethol Sefydlog yn bennaf oll ydy cynghori Mainc yr Esgobion ynglŷn â materion yn ymwneud ag athrawiaeth ac i ymgymryd â gwaith diwinyddol yn ôl cyfarwyddyd y Fainc.

Yn ogystal, mae’r Comisiwn yn ceisio annog yr Eglwys i ymddiddori mewn athrawiaeth ac i ddefnyddio’n helaeth y drysorfa ddiwinyddol a ymddiriedwyd iddi.

Mae angen i waith y Comisiwn Athrawiaethol fod yn ddilys o safbwynt academaidd drwy elwa’n greadigol o waith yr awduron diwinyddol gorau a thrwy anelu at safonau uchel wrth ymchwilio ac ysgrifennu. Fodd bynnag, nid ysgolheictod pur yw ei ffocws ond gwaith sy’n cysylltu mewn ffordd ystyrlon â’r Eglwys yn gyffredinol er mwyn cynnig adnoddau ar gyfer ei chenhadaeth a’i gweinidogaeth.

Aelodaeth

Cadeirydd y Comisiwn Athrawiaethol Sefydlog ydy’r Parch. Ddr Mark Clavier, Canon Trigiannol Eglwys Gadeiriol Aberhonddu a’i Ysgrifennydd Cofnodion ydy’r Parch. Dominic Cawdell OGS, Ficer Treffynnon a Maes-glas yn Ardal Genhadaeth Aber a Mynydd yn Esgobaeth Llanelwy. Nid oes gan y Comisiwn unrhyw aelodau parhaol eraill gan fod unigolion yn cael eu henwebu i wasanaethu gan Fainc yr Esgobion drwy gydol y dasg benodol sydd dan sylw yn ôl eu harbenigedd penodol. Enwebir arsylwyr i’r Comisiwn gan yr enwadau Cristnogol eraill yng Nghymru a gwerthfawrogir eu cyfraniad yn fawr. Ar hyn o bryd, mae’r Athro Josef Lössl (Prifysgol Caerdydd) a Dr Catrin Williams (Prifysgol Cymru: y Drindod Dewi Sant) yn gwasanaethu. Mae’r Parch. Ddr Ainsley Griffiths, Cyfarwyddwr Ffydd, Trefn ac Undod, yn cynorthwyo’r Comisiwn ac yn cydlynu â’r Fainc yn ôl y galw, yn ogystal â rhannau eraill o’r Eglwys yng Nghymru.

Gwaith diweddar

Mae’r Comisiwn wedi ymgymryd â dau brosiect mawr yn ystod y degawd diwethaf:

• Yn gyntaf, cynhyrchodd bapurau diwinyddol manwl am yr opsiynau sydd ar gael i’r Eglwys yng Nghymru wrth geisio cydnabod a chadarnhau perthynas pobl o’r un rhyw. Yn sgil hyn, yn 2014 cyhoeddodd adroddiad mawr, sef Yr Eglwys yng Nghymru a Phartneriaethau o’r Un Rhyw (PDF)
• Yn fwy diweddar, bu’r Comisiwn yn gweithio ar ddiwinyddiaeth y weinidogaeth ordeiniedig wrth i’n strwythurau plwyfol hynafol gael eu trawsffurfio i fod yn ardaloedd gweinidogaeth / cenhadaeth. Casgliad o ddeg traethawd diwinyddol ar agweddau gwahanol o’r weinidogaeth driphlyg ydy’r adroddiad terfynol ac mae’n dwyn yr enw Goruchwylwyr Ffyddlon mewn Eglwys sy’n Newid: Deall y Weinidogaeth Ordeiniedig yng ngoleuni Golwg 2020. Cyflwynir yr adroddiad yng nghyfarfod y Corff Llywodraethol yn Ebrill 2021. Mae’r adroddiad ar gael yma, yn ogystal â rhifyn astudio estynedig. Ar hyn o bryd dim ond yn Saesneg y cyhoeddir yr adroddiad.

Ystyried ‘Goruchwylwyr Ffyddlon’

Yn ogystal â chyhoeddi’r adroddiad, bydd y Comisiwn yn cynhyrchu pum fideo yn cynnwys cyfweliadau ag awduron y traethodau a rhyddheir y rhain dros yr wythnosau nesaf.

Ar hyn o bryd mae’r fideos a ganlyn ar gael:

Cyfweliad 1 (Y Rhagarweiniad a Thraethodau 1-3)

Ar ôl rhyddhau pob fideo yn ei dro, cynhelir galwad Zoom fyw a fydd yn rhoi cyfle i gyflwyno cwestiynau a sylwadau i’r awduron. Bydd y pedair sgwrs gyntaf yn Saesneg a’r un olaf yn Gymraeg. Fe’i cynhelir yn ôl y drefn isod:

Nos Lun 26 Ebrill am 7.00pm

• Ystyried y Rhagarweiniad a Thraethodau 1-3.
• Esgob Mynwy fydd yn cadeirio’r drafodaeth fyw ac yn cymryd rhan fydd y Parch. Ganon Dr Mark Clavier, y Barch. Ganon Ddr Rhiannon Johnson a’r Parch. Ddr Ainsley Griffiths.
• Er mwyn cofrestru cliciwch yma.

Nos Lun 10 Mai am 7.00pm

• Ystyried Traethodau 4-6.
• Y Barch. Becca Stephens, Cyfarwyddwraig Galwedigaethau Esgobaeth Mynwy fydd yn cadeirio’r drafodaeth fyw ac yn cymryd rhan fydd y Parch. Ddr Ainsley Griffiths, y Parch. Ganon Dr Mark Clavier a’r Parch. Ddr Jordan Hillebert.
• Er mwyn cofrestru cliciwch yma.

Nos Lun 24 Mai am 7.00pm

• Ystyried Traethodau 7 a 8.
• Y Parch. Dominic McClean fydd yn cadeirio’r drafodaeth fyw ac yn cymryd rhan fydd y Tra Pharchedig Ddr Sarah Rowland Jones a’r Parch. Ganon Dr Mark Clavier.
• Er mwyn cofrestru cliciwch yma.

Nos Lun 7 Mehefin am 7.00pm

• Ystyried Traethodau 9 a 10.
• Esgob Llanelwy fydd yn cadeirio’r drafodaeth fyw ac yn cymryd rhan fydd y Barch. Ganon Ddr Rhiannon Johnson a’r Barch Ddr Manon Ceridwen James.
• Er mwyn cofrestru cliciwch yma.

Nos Lun 21 Mehefin am 7.00pm

• Bwrw Golwg dros yr adroddiad (yn Gymraeg).
• Yn cymryd rhan yn drafodaeth fyw hon fydd y Parch. Ganon Dr Trystan Owain Hughes, y Barch. Ddr Manon Ceridwen James a’r Parch Ddr Ainsley Griffiths.
• Er mwyn cofrestru cliciwch yma.