Eglwys Glanogwen: Dathlu 170 mlynedd

Mae Eglwys Glanogwen ym Methesda, a gysegrwyd ym 1856, yn nodi ei phen-blwydd yn 170 oed gyda rhaglen o ddigwyddiadau cymunedol dros Fai a Mehefin 2026. 

Mae’r rhaglen yn dod â chodi arian, cerddoriaeth, hanes lleol a straeon ynghyd, gyda gweithgareddau’n cael eu cynnal yn yr eglwys ac yn cynnwys perfformwyr a siaradwyr lleol.

Mae’r eglwys wedi’i lleoli o fewn Safle Treftadaeth y Byd UNESCO Tirwedd Llechi Gogledd-orllewin Cymru, sy’n adlewyrchu hanes diwydiannol a chymdeithasol yr ardal yn ogystal â’i thraddodiadau crefyddol cryf.

Daw’r dathliadau ar adeg pan fo’r eglwys wedi derbyn grant CHERISH gwerth £5,000 gan Ymddiriedolaeth Genedlaethol yr Eglwysi. Bydd y cyllid yn galluogi astudiaeth achos busnes llawn i asesu atgyweiriadau a datblygiad posibl y safle yn y dyfodol. Mae hyn yn cynnwys archwilio sut y gall y gofod barhau i gefnogi addoliad tra’n darparu ar gyfer defnydd cymunedol a diwylliannol ehangach. Mae’r meysydd sy’n cael eu hystyried yn cynnwys gwell mynediad, cyfleusterau newydd megis cegin a thoiledau, ac opsiynau i ddefnyddio gwahanol rannau o’r adeilad ar yr un pryd.