Rhoi Ar-lein drwy Rhoi yn Syth

Rydym wedi datblygu adnoddau ar-lein i'ch helpu chi i reoli eich rhodd i'ch eglwys neu'ch plwyf. Gallwch ddewis i ble mae'r rhodd yn mynd, faint i'w roi a pha mor rheolaidd yr hoffech roi.

Drwy roi, byddwch yn ein cefnogi gyda’n gwaith ledled Cymru, gan gynnwys:

Clerigwyr a hyfforddiant ledled y wlad
Ymweliadau bugeiliol â phobl sy'n agored i niwed
Cyrsiau ar gyfer derbyn yn aelod
Cysur i'r rhai sy’n galaru
Pob bedydd a gynigir
Pob pregeth a roddir
Pob cymun a ddathlir
Gweinidogaeth a chenhadaeth yr Eglwys ym mhob cymuned.

Rhodd Cymorth

Gallwch ychwanegu Rhodd Cymorth at eich rhodd hefyd.

Rhoi yn Syth yw'r ffordd y mae'r Eglwys yng Nghymru yn rheoli rhoddion Rhodd Cymorth. Mae Rhodd Cymorth yn gymhelliant treth yn y DU sy'n galluogi unigolion i gyfrannu at elusennau yn y Deyrnas Unedig mewn ffordd sy'n effeithiol o ran treth. Mae sefydlu taliad Rhoi yn Syth yn ffordd y gallwch helpu gwaith yr Eglwys yn uniongyrchol ar lefel leol neu genedlaethol.

Gyda Rhoi yn Syth:

Chi, y rhoddwr, sydd bob amser yn rheoli
Mae rheoli rhoddion yn haws i chi ac i'ch eglwys
Nid oes angen poeni am chwilio am arian mân neu lyfr siec
Mae eglwysi'n cael swm misol rheolaidd sy'n helpu gyda gwaith cynllunio

Os ydych yn drethdalwr, gallwch hawlio Rhodd Cymorth – gan gynyddu gwerth eich rhodd. I gael rhagor o fanylion am sut mae'r system Rhoi yn Syth yn gweithio, lawrlwythwch y daflen Rhoi yn Syth (PDF), gweler ein Cwestiynau Cyffredin neu cysylltwch â giftdirect@churchinwales.org.uk

Gweinyddir Rhoi yn Syth gan Gorff Cynrychiolwyr yr Eglwys yng Nghymru, sy'n elusen gofrestredig. Elusen Gofrestredig rhif 1142813.

Rhodd Cymorth

Efallai y byddwch hefyd yn hoffi