Cadeirlan Bangor i gynnal gwasanaeth diolchgarwch Windrush

Bydd Cadeirlan Deiniol Sant ym Mangor yn cynnal Gwasanaeth Diolchgarwch Cenedlaethol ar gyfer Diwrnod Windrush ddydd Sul 22 Mehefin yn ystod yr Offeren Gorawl am 3.30yh.

Bydd y gwasanaeth yn cynnwys cerddoriaeth a darlleniadau sy'n adlewyrchu etifeddiaeth dinasyddion Caribiaidd a'r Gymanwlad a ddaeth i'r DU. Gweithiodd llawer mewn gwasanaethau cyhoeddus hanfodol ar ôl cyrraedd fel rhan o Genhedlaeth Windrush.

Bydd David Morris, Esgob Enlli ac Esgob Cynorthwyol Bangor, yn llywyddu'r gwasanaeth.

Ar ôl y gwasanaeth yn y Gaderilan, bydd bwffe Jamaicaidd yn Neuadd Penrhyn, a weinyddir gan Gymdeithas Jamaica Gogledd Cymru.

Bydd Gwasanaeth Tân ac Achub Gogledd Cymru yn rhoi cyflwyniad yn y digwyddiad. Mae'r gwasanaeth yn codi arian er mwyn anfon injan dân wedi'i hailadeiladu ac offer brys hanfodol i Blwyf Clarendon yn Jamaica, ardal fynyddig sydd â chysylltiadau hanesyddol â phlanhigfeydd teulu Pennant.

Mae'r trefnwyr yn gobeithio y bydd y gwasanaeth yn dod yn rhan reolaidd o ddathliadau cenedlaethol Windrush.

Croeso cynnes i bawb.