Cyhoeddiadau

Bydd ail ap digidol yr Eglwys yng Nghymru, sef yr Ap Gweddi Ddyddiol.

Mae'r Ap yn cyfuno dau o gyhoeddiadau mwyaf poblogaidd yr Eglwys yng Nghymru, Gweddi Ddyddiol (2009) a Beunydd Gyda Duw (2024), ac yn sicrhau bod yr adnoddau hyn ar gael mewn fformat digidol cyfleus, sy’n dilyn model llwyddiannus yr Ap Llithiadur Digidol.

Bydd yr Ap Gweddi Ddyddiol yn cael ei ryddhau mewn dau gam. Bydd y cam cyntaf, Defosiwn Personol, yn galluogi defnyddwyr i weld y Boreol Weddi, Gweddi'r Dydd, yr Hwyrol Weddi a’r Gweddi'r Nos ar eu ffôn, eu gliniadur neu ar eu dyfeisiau digidol eraill, ble bynnag y bônt.

Mae pob gwasanaeth yn cael ei gyflwyno mewn fformat clir, hawdd ei ddefnyddio, sy'n cynnwys cyflwyniadau, darlleniadau o'r Beibl, bendithion, cantiglau, gweddïau, credoau a chasgliadau. Mae'r ap ar gael yn Gymraeg a Saesneg ac mae'n rhad ac am ddim i'w ddefnyddio.

Gallwch gael mynediad at yr Ap drwy wefan cyhoeddiadau'r Eglwys yng Nghymru
neu'n uniongyrchol drwy wefan Apiau'r Eglwys yng Nghymru (apps.churchinwales.org.uk).
Bydd y Llithiadur Digidol a'r Ap Gweddi Ddyddiol newydd ar gael yn yr un lleoliad ar-lein. Bydd y fersiwn hŷn o'r Llithiadur Digidol yn cael ei dileu maes o law.

Mae'r Ap Gweddi Ddyddiol yn gyfraniad pwysig arall tuag at wneud adnoddau addoli'r Eglwys yng Nghymru yn fwy hygyrch, gan helpu pobl i allu gweddïo bob dydd ble bynnag y bônt a phryd bynnag y bydd angen iddynt wneud hynny.

Ar y gweill: Creu Taflenni Gwasanaeth
Bydd ail gam yr ap yn cyflwyno’r gallu i Greu Taflenni Gwasanaeth. Bydd modd i ddefnyddwyr lunio gwasanaeth a dewis yr elfennau angenrheidiol trwy ddefnyddio botymau syml, hawdd eu deall a’u defnyddio. Ar ôl gwneud y dewisiadau, bydd modd lawrlwytho testun y gwasanaeth yn Gymraeg, yn Saesneg neu yn y ddwy iaith.

Nid yw dyddiad lansio’r ail gam hwn wedi'i gyhoeddi eto, ond disgwylir y bydd ar gael yn fuan.

NEWYDD!

Llithiadur: Blwyddyn B - 2026-27

Cliciwch i lawrlwytho

Archebwch yn uniongyrchol o'r Lolfa

Gofal ein Gwinllan crynodebau printiedig - Cyfrol 4

Y llyfr hwn yw'r bedwaredd gyfrol a'r olaf mewn casgliad o ysgrifau o ysgrifau yw’r gyfrol hon sy’n cloriannu cyfraniad yr Eglwys yng Nghymru i lên, hanes a diwylliant Cymru.

Mae’r awduron yn ysgolheigion clodfawr yn eu meysydd penodol a seilir eu traethodau ar sgyrsiau a draddodwyd mewn cyfres boblogaidd o seminarau ar-lein a drefnwyd gan Athrofa Padarn Sant. Er mai canolbwynt y traethodau yw ffigyrau o’r Eglwys yng Nghymru, mae ystod yr astudiaeth yn eang a bydd y gyfrol o ddiddordeb i bawb sy’n trysori treftadaeth ddiwylliannol a ieithyddol y genedl.

Cliciwch ar y llun o'r llyfr:

£12.00 yn cynnwys postio a phacio (Cyhoeddwyd yn Gymraeg).

Mae’r llyfr hwn ar gael gan y cyhoeddwr: Y Lolfa.

Dilynwch eu cyfarwyddiadau archebu ar-lein. Bydd angen i chi dalu am y llyfr ar-lein a dylech ei dderbyn o fewn 5 diwrnod gwaith.

Beunydd gyda Duw

Mae ‘Beunydd gyda Duw’ yn rhoi ichi’r cyfle i ffurfio patrwm o weddïo sy’n addas i chi. Ynddo ceir rhai o weddïau mwyaf a ffefrynnau Cristnogion drwy’r oesoedd. Cewch graidd o weddïau i’w harfer yn ddyddiol wrth ddod gerbron gorsedd gras Duw, ynghyd â gweddïau ar gyfer achlysur neu gyfle arbennig.

Tudalennau enghreifftiol

Cliciwch ar y llun o'r llyfr:

£12.99 yn cynnwys postio a phacio (Ddwyieithog).

NEWYDD: Amserau a Thymhorau

Mae’r testun cyflawn (rhannau 1, 2, 3 a 4) bellach ar gael fel llyfr digidol dwyieithog i chi ei lawrlwytho a’i ddefnyddio.

Ffeil PDF yw’r llyfr sydd â dolenni o dudalen y cynnwys i’r gwahanol benodau ac yna i’r penawdau o fewn y bennod honno.

Mae gan y rhannau isod ddolenni i'r llyfr newydd neu cliciwch ar glawr y llyfr i fynd yn syth i'r llyfr digidol newydd.

Am y defnydd mwyaf effeithiol, lawrlwythwch y llyfr a'i gadw ar eich cyfrifiadur.

Tudalen y wefan:

Cliciwch yma

Amserau a Thymhorau rhan 1, 2, 3 a 4 - Dwyieithog

Calendr Newydd Diwygiedig a'r Colectau Cyfoes

Mae'r Calendr Newydd Diwygiedig a'r Colectau Cyfoes yn fersiwn wedi'i diweddaru o lyfr 2003, Y Calendr Newydd a'r Colectau.

Yr un yw'r litwrgi o fewn y llyfr ac eithrio ychydig fân wallau o fewn y testun, testunau ychwanegol sydd wedi'u hychwanegu ers cyhoeddi'r llyfr gwreiddiol a newidiadau a wnaed i ddyddiadau dathlu. Newid arall yw ei fod yn dangos y Colect Cyfoes yn unig. Mae Buchedd rhai o'r Seintiau wedi'i diweddaru i helpu i roi gwell dealltwriaeth o'r Sant.