Chwilio am Ystyr a Phwrpas

Camau Cynnar

Gall dysgwyr:

• ofyn cwestiynau dyfnach amdanyn nhw eu hunain ac eraill, ac am y byd naturiol a'r pethau byw o'u cwmpas (e.e. Pwy ydw i? Pam mae pethau'n marw?), yn ogystal â gwrando ar farn pobl eraill
• dechrau gofyn cwestiynau dyfnach am greu'r byd a dysgeidiaeth Feiblaidd
• dechrau cysylltu dysgeidiaeth crefyddau eraill a bydolygon anghrefyddol.

Ymhellach Ar Hyd y Daith

Gall dysgwyr:

• gasglu a thrafod mewnwelediad crefyddol ac anghrefyddol ac ystyried eu barn, eu safbwyntiau a'u dehongliadau eu hunain, a rhai pobl eraill, mewn ffordd fwyfwy soffistigedig.
• dechrau ystyried y tebygrwydd rhwng safbwyntiau gwyddonol a’r creu
• archwilio cwestiynau mawr fel pam rydyn ni yma, beth sy'n digwydd pan fyddwn ni'n marw
• datblygu eu cwestiwn mawr eu hunain mewn ymateb i'w taith ddysgu.

Yn Ddiweddarach

Gall dysgwyr:

• ddeall y gellir trafod a gwerthuso materion yn ymwneud â gwirionedd, ystyr, pwrpas a gwerth wrth i ddysgwyr ystyried amrywiaeth o gwestiynau heriol am y materion hyn yn ddyfnach (er enghraifft bodolaeth dda a drwg, natur dioddefaint, defnyddio cyfoeth)
• deall enghreifftiau o ddysgeidiaeth Feiblaidd a gwneud cymariaethau â chrefyddau eraill ac argyhoeddiadau athronyddol anghrefyddol
• deall bod ymatebion i gwestiynau o'r fath yn gymhleth, ac nad ydyn nhw'n gyflawn nac yn bendant yn aml
• deall safbwyntiau yn ymwneud ag ewyllys rydd a phenderfyniaeth o safbwynt Cristnogol yn ogystal ag o safbwyntiau ystod o argyhoeddiadau athronyddol crefyddol ac anghrefyddol.

Camau Cynnar

Gall dysgwyr:

• ddechrau gwybod a mynegi'r hyn y maen nhw'n ei hoffi a'r hyn nad ydyn nhw'n ei hoffi, yr hyn sy'n eu gwneud yn hapus ac yn drist, a'u gobeithion a'u dyheadau ar gyfer y dyfodol, yn ogystal ag ymateb i syniadau pobl eraill.

Ymhellach Ar Hyd y Daith

Gall dysgwyr:

• adnabod a thrafod mewnwelediad crefyddol ac anghrefyddol mewn perthynas â theimladau ac anghenion bodau dynol, gan gynnwys yr hyn sy'n dylanwadu arnyn nhw a'r ffyrdd y caiff y pethau hynny eu mynegi yn eu bywydau nhw eu hunain ac ym mywydau pobl eraill.
• dechrau deall sut mae ffydd yn dylanwadu ar deimladau a gweithredoedd.

Yn Ddiweddarach

Gall dysgwyr:

• adnabod parhad a newid mewn ymateb i gwestiynau am ystyr a phwrpas mewn bywyd, yn eu bywydau eu hunain ac mewn cymdeithas a diwylliant, ar adegau gwahanol ac mewn lleoedd gwahanol
• gwerthuso gwerthoedd a syniadau cyfoes perthnasol mewn perthynas â hunanwerth o safbwyntiau crefyddol ac anghrefyddol
• adnabod sut mae ffydd, gan gynnwys bywyd a dysgeidiaeth Iesu, yn dylanwadu ar hunan-werth.

Camau Cynnar

Gall dysgwyr:

• ddechrau dangos ymwybyddiaeth o'r bobl a'r ‘syniadau mawr’ sydd wedi llywio eu hardaloedd lleol a'u bywydau bob dydd
• dechrau dangos ymwybyddiaeth o bobl allweddol a syniadau mawr yn y Beibl
• dechrau dangos ymwybyddiaeth o sut mae bywyd a dysgeidiaeth Iesu yn dylanwadu ar ein bywydau bob dydd.

Ymhellach Ar Hyd y Daith

Gall dysgwyr:

• ddychmygu a thrafod yr hyn y gallan nhw ei gyfrannu nawr ac yn y dyfodol, a dod yn fwyfwy ymwybodol o'r berthynas rhwng dyhead a’r hyn sy’n digwydd yn ymarferol, gan ystyried amrywiaeth o gyfraniadau o ffynonellau crefyddol ac anghrefyddol ar yr un pryd
• trafod sut y gall dysgeidiaeth Iesu gyfrannu at ddewis a gweithredoedd yn y dyfodol.

Yn Ddiweddarach

Gall dysgwyr:

• wneud cysylltiadau cynyddol gymhleth rhwng agweddau ar iechyd a lles, anghenion a gofynion y byd sydd ohoni, a'u hymdrechion nhw eu hunain i chwilio am ystyr a phwrpas
• archwilio delweddau crefyddol o bob cwr o'r byd a dechrau deall gwahaniaeth diwylliannol.

• Beth allwn ni ei wneud pan nad ydyn nhw'n gwneud y peth iawn?
• Sut allwn ni arwain? Pam rydyn ni'n dilyn?

Trafod rôl Comisiynydd Plant Cymru.

Ystyried cyfrifoldeb y Comisiynydd dros ddiogelu hawliau plant a'r hyn y mae hynny'n ei olygu i gymunedau a phlant ledled Cymru.

• Pam mae rôl y Comisiynydd yn bwysig?
• Pa fath o berson sy'n gwneud Comisiynydd da?
• Beth rydym yn ei wneud pan rydym yn credu nad yw ein harweinwyr yn gwneud y peth iawn?

Pa enghraifft o arweinyddiaeth allai rhai Mwslimiaid gyfeirio ati?

Y proffwydi - Duw ac awdurdod yn Islam - GCSE Religious Studies Revision - Edexcel - BBC Bitesize

Pa debygrwydd sydd rhwng arweinwyr Cristnogol yn y Beibl a'r proffwydi?

Gall enghreifftiau gynnwys:

• Ibrahim
• Isa
• Musa
• Dawud

Beth yw'r tebygrwydd i'r arweinwyr yn y Beibl y gallai Cristnogion gyfeirio ato?

Pa arweinwyr Mwslimaidd sy'n ein hysbrydoli? Sut maen nhw'n gwneud i ni feddwl am ein dewisiadau ar gyfer y dyfodol?

Gall arweinwyr ddewis edrych ar bobl fel Malala Yousafzai neu Dr Hany El Banna.

Beth yw effaith yr unigolyn hwn ar gymuned neu grŵp?

Darllenwch stori Moses yn y Beibl. Cyfeiriwch at ddarnau o Exodus.

Nodwch wahanol adegau allweddol yn ei fywyd. Trafodwch y priodweddau a ddangosodd Moses mewn sefyllfaoedd gwahanol. Sut wnaeth Moses ddylanwadu ar newid?

A lwyddodd Moses i wneud y peth iawn bob amser? Sut oedd Moses yn gwybod beth y dylai ei wneud? Darllenwch stori'r berth yn llosgi.

• At bwy y gallai Cristnogion droi am arweiniad?
• Pa arweinwyr Cristnogol sy'n ein hysbrydoli? Sut maen nhw'n gwneud i ni feddwl am ein dewisiadau ar gyfer y dyfodol?

Gallai dysgwyr ddewis edrych ar arweinwyr Cristnogol presennol fel eu harweinwyr eglwys lleol neu'r Esgob lleol, neu feddwl am arweinwyr fel yr Archesgob Desmond Tutu neu Martin Luther King Jr.