English
EN
Hafan Diogelu

Diogelu

... mae’n gyfrifoldeb i bawb.

Ystyr diogelu yw atal niwed i blant ac oedolion mewn perygl drwy eu hamddiffyn rhag cael eu camdrin neu eu hesgeuluo.

Mae’r Eglwys yng Nghymru wedi ymrwymo i ddiogelu fel rhan annatod o’i bywyd, ei chenhadaeth a’i gweinidogaeth.

Bydd yr Eglwys yng Nghymru yn:

  • hyrwyddo lles plant ac oedolion mewn perygl
  • codi ymwybyddiaeth o ddiogelu yn yr Eglwys
  • gweithio i atal camdriniaeth neu niwed rhag digwydd
  • ymroi i amddiffyn ac ymateb yn dda i’r rhai sydd wedi eu cam-drin.

Mae Diogelu yn gyfrifoldeb i bawb.

Os oes gennych chi wybodaeth am sefyllfa ddiogelu lle mae plentyn neu oedolyn mewn perygl uniongyrchol neu angen sylw meddygol brys, ffoniwch y gwasanaethau brys nawr ar 999 – PEIDIWCH AG OEDI.

Neges ddiogelu gan Archesgob Cymru

Neges ddiogelu gan Archesgob Cymru

Cwrdd â’r tîm

Mae modd cysylltu â’r Tîm Diogelu Taleithiol i gael cyngor a chymorth ynghylch pryderon diogelu yn yr Eglwys yng Nghymru ac ar gyfer cwestiynau am Bolisi a gweithdrefnau Diogelu.
Cwrdd â’r tîm

Hyfforddiant Diogelu

Gwybodaeth am yr holl hyfforddiant diogelu a sut mae dilyn y cwrs ymwybyddiaeth o ddiogelu (Modiwl A).
Darllen mwy

Goroeswyr

Gwasanaethau cymorth i oroeswyr camdriniaeth.
Darllen mwy

Y Gwasanaeth Datgelu a Gwahardd (DBS)

Mae gwiriadau’r Gwasanaeth Datgelu a Gwahardd (DBS) yn helpu’r Eglwys i wneud penderfyniadau recriwtio mwy diogel ac yn atal pobl anaddas rhag dod i gysylltiad â phlant ac oedolion mewn perygl.
Darllen mwy

Polisi, Canllawiau a Ffurflenni Diogelu Taleithiol

Cael gafael ar wybodaeth a chopïau o’r polisi, y canllawiau a ffurflenni diogelu.
Darllen mwy

Cam-fanteisio ar Blant a’u Hamddiffyn Ar-lein (CEOP)

Cyfarwyddiaeth yn yr Asiantaeth Troseddu Cenedlaethol yw CEOP, ac mae’n gyfrifol am fynd i’r afael â cham-fanteisio a cham-drin plant a phobl ifanc yn rhywiol. Mae CEOP yn helpu plant a phobl ifanc dan 18 oed sydd wedi eu gorfodi, eu camarwain, neu’n cael eu rhoi dan bwysau i gymryd rhan mewn gweithgaredd rhywiol o unrhyw fath. Gall hyn ddigwydd ar-lein ac oddi ar-lein. Mae Canolfan Ddiogelwch CEOP yn cynnig gwybodaeth a chyngor i blant a phobl ifanc, rhieni a gofalwyr a gweithwyr proffesiynol. Gallwch fynd i Ganolfan Ddiogelwch CEOP ac adrodd yn uniongyrchol i CEOP drwy glicio ar fotwm CEOP.

Ni ddylid cysylltu â CEOP ar fater bwlio ar-lein neu bryderon ar-lein eraill. Dylid cynghori plant a phobl ifanc i siarad ag oedolyn y maent yn ymddiried ynddo, a/neu eu cyfeirio at Childline, os ydynt yn awyddus i gael sgwrs â rhywun am sut maent yn teimlo.