Disgrifiad Swydd Cyffredinol – Esgob Esgobaethol

I’w ddarllen ar y cyd â’r disgrifiad swydd cyffredinol ar gyfer Archddiacon, Deon Bro a Pheriglor.

Swydd: Esgob Esgobaethol

Diben: Bod yn Ben Bugail, Bugail a Gweinidog yr Esgobaeth, fel arwydd gweladwy o undod yr Eglwys a’i pharhad yn ei bywyd, ei chenhadaeth a’i gweinidogaeth apostolaidd.

Cyfrifoldeb: Yn gyfrifol ar y cyd ag eraill am;

• Bobl
• Cenhadaeth
• Dysgeidiaeth
• Pregethu
• Cyllid
• Adeiladau

Swyddogaethau cyffredinol

1. Arwain Clerigion a Lleygion yr Esgobaeth i wneud gwaith cenhadu a gweinidogaethu
2. Cyhoeddi’r Efengyl
3. Dysgu ac amddiffyn y Ffydd
4. Gweinidogaethu’r Gair a’r Sacramentau
5. Cadarnhau galwad gweinidogion newydd, eu hordeinio, eu hanfon allan a’u penodi
6. Cynnal gwasanaethau conffyrmasiwn
7. Arwain Clerigion a darparu adnoddau ar eu cyfer
8. Disgyblu os oes angen
9. Arwain pobl Dduw
10. Gweithio er undod yr Eglwys

Swyddogaethau a Dyletswyddau Penodol

1. Arwain a chydgysylltu staff yr Esgob i wneud gwaith gweinyddol Esgobol yr Esgobaeth.
2. Gwneud cynlluniau ar gyfer yr Esgobaeth a’u hadolygu er mwyn sicrhau bod:
   1. Clerigion a Lleygion yn cael eu cynorthwyo a’u hannog i ddatblygu cenhadaeth a gweinidogaeth yr Esgobaeth
   2. Clerigion yn cael eu defnyddio yn y ffordd fwyaf effeithiol posibl.
3. Gweithredu polisïau a gweithdrefnau effeithiol ar gyfer clerigion gan gynnwys: –
   1. Penodiadau
   2. Gweithdrefnau dethol
   3. Hyfforddiant a datblygiad
   4. Rheoli analluogrwydd clerigion
   5. Cyfnodau Sabothol
   6. Cwyno
   7. Disgyblaeth
   8. Ymddeoliad
4. Creu diwylliant sy’n galluogi clerigion i weithio hyd eithaf eu gallu fel unigolion ac aelodau tîm.
5. Gwasanaethu fel Llywydd Cynhadledd yr Esgobaeth a Bwrdd Enwebu’r Esgobaeth.
6. Bod yn aelod o’r Corff Llywodraethol.
7. Bod yn aelod o Fainc yr Esgobion a chynorthwyo i ddatblygu, gweithredu, monitro ac adolygu polisïau a gweithdrefnau’r dalaith ar gyfer amrywiaeth o faterion sy’n effeithio ar yr Eglwys yng Nghymru, a’r Cymundeb Anglicanaidd.
8. Bod yn aelod o’r Coleg Etholiadaol.
9. Bod yn aelod o Lys Arbennig y Dalaith.
10. Ymgynghori â chyrff yr Eglwys ar faterion yn ymwneud â:
    1. Phersondai, gan gynnwys dileu swyddi, gwerthu a chaffael
    2. Creu Bywoliaethau Rheithorol
    3. Gwahardd periglorion
    4. Ad-drefnu bugeiliol
11. Cyflwyno trwyddedau, goddefebau a chaniatâd (fel y’u pennwyd).
12. Sicrhau bod ymweliadau’n cael eu cynnal mewn plwyfi.
13. Datrys anghydfodau litwrgïaidd ac achosion o unigolion yn cael eu gwahardd rhag derbyn y Cymun Bendigaid.
14. Gweithio gyda Mainc yr Esgobion i reoli cyfeiriad cyffredinol Cynghorwyr yr Esgobion, gan dderbyn cyfrifoldeb uniongyrchol (fel y cytunwyd) am reoli maes/meysydd penodol o waith y Cynghorydd.
15. Ysbrydoli pobl Dduw yn eu haddoliad, eu tystiolaeth a’u gwasanaeth yn ei Enw ef.
16. Hyrwyddo cysylltiadau da a chwrtais ag arweinwyr Eglwysi a Chymunedau Ffydd eraill.