Yr Eglwys yng Nghymru

Colect 128 Hollalluog Dduw, cysylltaist ynghyd dy etholedigion yn un cymundeb a chymdeithas yn nirgel gorff dy Fab, Crist ein Harglwydd: caniatâ i ni ras i ddilyn dy saint gwynfydedig mewn buchedd rinweddol a duwiol fel y delom i’r llawenydd anhraethol hwnnw a baratoaist i’r rhai sy’n dy wir garu; trwy Iesu Grist dy Fab ein Harglwydd, i’r hwn gyda thi a’r Ysbryd Glân y bo’r deyrnas, y gallu a’r gogoniant, yn oes oesoedd.

Colect 126 O Arglwydd bendigaid, a beraist fod yr holl ysgrythur lân yn ysgrifenedig i’n haddysgu ni, cynorthwya ni i wrando arni, ei darllen, ei chwilio, ei dysgu ac ymborthi arni fel, trwy amynedd, a chymorth dy air sanctaidd y cofleidiwn ac y daliwn ein gafael yn wastadol yng ngobaith y bywyd tragwyddol, a roddaist i ni yn ein Hiachawdwr Iesu Grist, sy’n fyw ac yn teyrnasu gyda thi a’r Ysbryd Glân, yn un Duw, yn awr ac am byth.