Bendithio Priodas Sifil neu Partneriaeth Sifil Dau Berson o’r un rhyw
Litwrgi ar gyfer Bendithio Priodas Sifil dau berson o’r un rhyw neu Partneriaeth Sifil Dau Berson o’r un rhyw:
Testun wedi'i awdurdodi i'w ddefnyddio o 1 Hydref 2021
Cyf: 2144
Corff Llywodraethol yr Eglwys yng Nghymru
BIL I AWDURDODI DEFNYDD ARBROFOL O DDIWYGIADAU ARFAETHEDIG o’r LLYFR GWEDDI GYFFREDIN (gwasanaeth Bendithio yn dilyn Partneriaeth Sifil neu Briodas rhwng Dau Berson o'r un rhyw)
GAN FOD Urdd y Clerigion ac Urdd y Lleygion o Gorff Llywodraethol yr Eglwys yng Nghymru wedi dangos eu barn trwy bleidlais anffurfiol ar 12 Medi 2018 'ei bod yn fugeiliol anghynaliadwy i'r Eglwys barhau i beidio â gwneud unrhyw ddarpariaeth ffurfiol ar gyfer y rhai sydd mewn perthynas un-rhyw.’
A CHAN FOD Mainc yr Esgobion yn credu ei bod yn ddymunol, cyn i fil i ddiwygio rhan o'r Llyfr Gweddi Gyffredin gael ei gyflwyno gan yr Esgobion i'w ystyried gan y Corff Llywodraethol, defnyddio trefn arfaethedig o wasanaeth yn arbrofol yn eglwysi’r Eglwys yng Nghymru am gyfnod cyfyngedig.
DEDDFER TRWY HYN:
- Y bydd gan Esgobion Esgobaethol y grym i awdurdodi at ddefnydd arbrofol yn yr eglwysi yn eu hesgobaeth y drefn a nodir yn yr Atodiad ar gyfer gwasanaeth Bendithio yn dilyn Partneriaeth Sifil neu Briodas rhwng dau berson o'r un rhyw am gyfnod o bum mlynedd o 1 Hydref 2021, yn unol â’r amodau a nodir isod.
- Ni fydd gorfodaeth ar unrhyw Glerig i weinyddu mewn gwasanaeth o'r fath.
Cefnogwyr: +John Cambrensis, +Andrew Bangor, +Gregory Llanelwy, +Joanna Tyddewi, +June Landav, +Cherry Mynwy