Offeiriaid yn dathlu etifeddiaeth seintiau Celtaidd gyda phererindod ar Ynys Môn

Bydd dau offeiriad yn cymryd rhan mewn pererindod ar Ynys Môn, gan gofio cyfeillgarwch hynafol dau sant Celtaidd o’r 6ed ganrif. Mae’r digwyddiad, sy'n digwydd ar 11 Medi, yn dathlu treftadaeth gyfoethog y Gristnogaeth Geltaidd ac yn cadarnhau apel parhaol traddodiadau pererindod yng Nghymru heddiw.

Mae’r pererindod yn cael ei arwain gan Huw Butler o Feaumaris, Arweinydd Ardal Gweinidogaeth Bro Seiriol, a Kathryn Evans o Gaergybi, Arweinydd Ardal Gweinidogaeth Bro Cybi, y mae eu teithiau eu hunain yn adleisio stori’r seintiau. Mae Huw a Kathryn yn ffrindiau da, a symudodd y ddau o Esgobaeth Llanelwy i Esgobaeth Bangor i ddechrau swyddi newydd, gan gael eu trwydded fel offeiriaid ar ddiwrnodau dilynol.

Gan ddechrau yng Nghaer Seiriol ym Mhenmon, bydd Huw a Kathryn yn cerdded i ffynhonnau Clorach, lle mae traddodiad yn dweud i Seiriol a Cybi gyfarfod i rannu cymdeithas. 

Yna byddant yn parhau i Eglwys y Santes Fair, Llannerch-y-Medd. Mae croeso i bawb ymuno â nhw yn Eglwys y Santes Fair am ychydig o fyrbrydau am 4yp, ac yna am Offeren Pererindod am 5yp, pan fydd dŵr o Gaer Seiriol yn cael ei ddefnyddio i fendithio’r gynulleidfa.

Mae’r pererindod yn coffáu Sant Seiriol a Sant Cybi, a fu, yn ôl traddodiad Cymreig, yn byw fel meudwyon ar ochrau gyferbyn o Fôn ac yn cwrdd yn rheolaidd wrth Ffynhonnau Clorach i rannu ymddiddan. Sefydlodd Sant Seiriol, a adnabyddir fel “Wyn”oherwydd ei groen golau, gymuned fynachaidd ym Penmon ar arfordir de-ddwyrain yr ynys, tra sefydlodd Sant Cybi “Felyn” oherwydd ei groen tywyllach ar ôl effeithiau'r haul, ei gymuned yn Nghaergybi yn y gorllewin. Mae’r chwedl yn dweud sut yr oeddent yn cerdded tuag at ei gilydd i gwrdd yng nghanol yr ynys – gyda Cybi’n wynebu’r haul yn codi,a Seiriol gyda’r haul ar ei gefn, gan roi eu llysenwau cyferbyniol.

Mae diddordeb cynyddol mewn pererindodau yn adlewyrchu adfywiad ehangach mewn arferion ysbrydol hynafol ledled Cymru a’r DU. Mae poblogrwydd y gyfres “Pilgrimage” ar BBC One, a ddarlledir bob Pasg, wedi dod â’r traddodiad i sylw ehangach. Mae’r rhaglen, sy’n dilyn enwogion o wahanol ffydd ar diat gerdded o bellteroedd hir, yn tynnu sylw at fyfyrdod personol a darganfyddiad ysbrydol. Mae ei llwyddiant wedi ysbrydoli cymunedau i ail-ddarganfod llwybrau pererindod lleol ac archwilio cysylltiadau â’u hetifeddiaeth a’u hamgylchedd.