Llwybr pererindod newydd i Ddyffryn Conwy

Mae llwybr pererindod newydd 22 milltir o hyd, sy’n cysylltu pum eglwys yn Ardal Weinidogaeth Bro Celynnin, wedi agor wrth i’r diddordeb mewn cerdded llwybrau ysbrydol barhau i dyfu.

Mae Llwybr Celynnin yn llwybr siâp wyth yn dilyn llwybrau troed presennol rhwng Conwy a Llangelynnin, lle mae’n ymuno â Llwybr Pererinion Gogledd Cymru.

Gall cerddwyr gasglu stamp ym mhob eglwys mewn pasbort pererin sydd wedi’i ddylunio’n arbennig, gan greu cofnod o’u taith drwy’r dyffryn. 

Creodd yr artist lleol Hope O’Dell y pasbort, tra bod disgyblion Ysgol Porth y Felin ac Ysgol Llangelynnin wedi dylunio’r stampiau a ddefnyddir ar hyd y llwybr. 

Datblygwyd y llwybr wrth i ddiddordeb mewn pererindod gynyddu o’r newydd, gan gynnwys y gyfres Pilgrimage ar y BBC: The Road to Wild Wales, a ddilynodd saith o enwogion ar hyd Llwybr Pererinion Gogledd Cymru.

Mae’r llwybr yn dechrau neu’n gorffen yn Eglwys y Santes Fair yng nghanol Conwy, sy’n cynnwys rhannau sydd wedi goroesi o Abaty Aberconwy, mynachlog Sistersaidd a sefydlwyd yn y 12fed ganrif.

Mae’n parhau drwy Ddyffryn Conwy i Eglwys Llangelynnin, eglwys hynafol sy’n edrych dros y dyffryn ac sydd eisoes yn cael ymweliadau gan gerddwyr sy’n dilyn y llwybr pererindod hirach drwy Ogledd Cymru. Eglwysi ar y llwybr yw:

• Eglwys Santes Fair - Conwy
• Eglwys Santes Fair - Caerhun
• Eglwys Sant Benedict - Gyffin
• Eglwys Sant Pedr - Llanbedr-y-Cennin
• Eglwys Sant Celynnin above Henryd

Lansiwyd y llwybr yn ffurfiol yr wythnos hon yn Eglwys y Santes Fair, Conwy, gydag arddangosfa pererindod a diwrnodau dathlu gyda phlant dwy ysgol eglwys leol.