Yr Eglwys yn croesawu adroddiad IICSA

Mae’r Eglwys yng Nghymru yn croesawu adroddiad heddiw gan yr Ymchwiliad Annibynnol i Gamdrin Plant yn Rhywiol (IICSA) ar yr Eglwysi Anglicanaidd yn Lloegr a Chymru ac yn ymrwymo i gymryd ei holl argymhellion yn ddifrifol iawn.

Mae adroddiad IICSA yn seiliedig ar wrandawiadau cyhoeddus a gynhaliwyd ym mis Gorffennaf, a archwiliodd ein hymateb i honiadau am gamdrin plant yn rhywiol, yn ogystal ag os oedd ein polisïau ac arferion diogelu yn ddigonol.

Mae’r datganiad llawn yn dilyn

Gallwch weld yr adroddiad yma

Croesawn adroddiad yr Ymchwiliad Annibynnol i Gamdrin Plant yn Rhywiol ar yr Eglwysi Anglicanaidd yn Lloegr a Chymru, a gyhoeddwyd heddiw (6 Hydref) a diolchwn i banel a staff yr Ymchwiliad am eu gwaith trwyadl a gofalus yn ei gynhyrchu.

Byddwn yn cymryd yr holl argymhellion yn ddifrifol iawn. Ein blaenoriaeth yw bod yn eglwys lle mae pawb yn ddiogel a bod croeso iddynt, a’u bod yn teimlo hynny, a lle caiff diogelu ei ddeall i fod yn gyfrifoldeb pawb.

Mae’r Adroddiad yn gwneud nifer o sylwadau perthnasol ar gyfer gwella’r arferion a pholisïau y gwnaethom eu cyflwyno i’r Ymchwiliad ym mis Gorffennaf 2019. Byddwn yn edrych arnynt yn fanwl ac yn adrodd yn ôl ar ein cynlluniau i weithredu’r rhai sydd heb eu cyflawni eto.

Rydym wedi buddsoddi, ac yn parhau i fuddsoddi, yn ein pobl a’n prosesau fel blaenoriaeth ar gyfer yr holl Eglwys yng Nghymru. Rydym hefyd yn edrych sut i hybu ein perthynas waith gydag Eglwys Lloegr ac asiantaethau statudol.

Gwyddom i ni fethu mewn nifer o ardaloedd yn y gorffennol ac ymddiheurwn yn ddiamod i bawb yr effeithiwyd arnynt fel canlyniad. Rydym yn parhau i gadw pawb a oroesodd gam-driniaeth yn ein gweddïau ac yn barod i gefnogi unrhyw un sy’n dod ymlaen gydag unrhyw gonsyrn.

Os yw cyhoeddi’r adroddiad hwn wedi effeithio arnoch chi ac yr hoffech siarad gyda rhywun yn annibynnol:

• Ffoniwch linell gymorth Safe Spaces ar 0300 303 1056 neu email: safespaces@victimsupport.org.uk.
• Mae manylion llawn sut i gysylltu â’r Swyddogion Diogelu Taleithiol ar gael yn https://www.churchinwales.org.uk/en/safeguarding/