Gweinyddwr Cronfeydd Ddata
Teitl y Swydd: Gweinyddwr Cronfeydd Ddata
Cyflog: Gradd E - £41,500 - £46,954 y flwyddyn
Lleoliad: 2 Sgwâr Callaghan, Caerdydd, CF10 5BT
Contract: Parhaol
Yn adrodd i: Cyfarwyddwr TG a Rhaglenni
Oriau gweithio: Amser llawn (34.75 awr yr wythnos)
Mae'r Eglwys yng Nghymru yn Dalaith o’r Cymundeb Anglicanaidd, sy'n cynnwys chwe esgobaeth, dros 1000 o eglwysi a 14 swyddfa ar wahân. Mae'r Adran TG yn cefnogi’r holl swyddfeydd ac mae wrthi yn ehangu gwasanaethau i'r chwe Eglwys Gadeiriol esgobaethol.
Mae gennym gyfle cyffrous ar gyfer Gweinyddwr Cronfeydd Ddata a fydd yn goruchwylio'r gwaith o gynnal a chadw, trawsnewid a datblygu saernïaeth, systemau a phrosesau ein data, a fydd yn sail i'r broses o wneud penderfyniadau sy'n cael eu gyrru gan ddata ledled yr Eglwys yng Nghymru.
Bydd deiliad y swydd yn chwarae rôl allweddol wrth arwain y gwaith o drawsnewid saernïaeth data'r sefydliad a gweinyddu ein cronfeydd data a'n systemau gwybodaeth, gan sicrhau dyluniad, dibynadwyedd, diogelwch ac effeithiolrwydd sy'n canolbwyntio ar y cwsmer ac yn diwallu anghenion y sefydliad.
Bydd y rôl hon yn gydweithredol (cydweithio â chydweithwyr a phartneriaid allanol) a bydd yn darparu atebion technegol cadarn a chefnogaeth o ansawdd uchel. Elfen allweddol o'r rôl yw'r gallu i gynhyrchu manylebau clir, cryno yn seiliedig ar anghenion busnes mewn seilwaith sy'n cefnogi gweithrediad busnes effeithiol a disgwyliadau cwsmeriaid.
Efallai y bydd natur y rôl hon yn gofyn am rywfaint o hyblygrwydd o ran oriau gwaith a lleoliad. Byddwn yn ystyried ceisiadau gan ymgeiswyr sydd â diddordeb mewn patrymau gwaith amgen; fodd bynnag, gall anghenion busnes gyfyngu ar y trefniadau a gynigir.
Hanfodol
- Sgiliau mathemategol datblygedig iawn, gyda chymhwyster lefel gradd mewn mathemateg, gwyddoniaeth neu gyfrifiadureg i’w hategu.
- Sgiliau rhaglennu lefel arbenigol gydag o leiaf bum mlynedd o brofiad proffesiynol gydag ystod o ieithoedd rhaglennu.
- Sgiliau codio SQL lefel arbenigol gydag o leiaf bum mlynedd o brofiad proffesiynol.
- Gwybodaeth weithredol o PHP ac ASP gyda'r gallu i ddarllen a deall cod a gynhyrchwyd yn yr ieithoedd hynny.
- Dealltwriaeth dechnegol ac ymarferol fanwl o ddadansoddi gofynion defnyddwyr, creu dogfennau manylebau, a datblygu rhaglenni.
Sgiliau a Chymwyseddau
- Sgiliau ysgrifennu manylebau technegol datblygedig iawn.
- Gwybodaeth gyfredol am feddalwedd sy'n gysylltiedig â rhaglennu.
- Dull creadigol o ddadansoddi manylebau cleientiaid yn erbyn datblygu cronfeydd data priodol.
- Sgiliau rhyngbersonol a chyfathrebu rhagorol.
- Gwydnwch yn wyneb cyfathrebu gan ddefnyddwyr sy’n wrthwynebus.
- Y gallu i gyfathrebu gwybodaeth dechnegol i ddefnyddwyr annhechnegol.
- Y gallu i gyfathrebu gwybodaeth dechnegol ar y lefel fanylder angenrheidiol i ddatblygwyr technegol a chysylltiadau allanol.
- Gwybodaeth am VMWare ac Office 365.
Dymunol
- Profiad blaenorol o reoli tîm.
- Parodrwydd a gallu i deithio yn ôl yr angen.
- Ymagwedd hyblyg ac ystwyth at oriau gwaith, gan gynnwys gyda’r nos neu ar benwythnos o dro i dro os bydd angen.
- Ymrwymiad i gynnal gwerthoedd y sefydliad a hyrwyddo diwylliant tîm cadarnhaol.
- Y gallu i siarad a deall Cymraeg.
Sut i wneud cais
I wneud cais am y swydd hon, anfonwch eich llythyr eglurhaol a'ch ffurflen gais wedi'i chwblhau i: HR@cinw.org.uk.
Cofiwch gynnwys yr holl feini prawf hanfodol yn eich cais.
Dyddiad cau
26 Mehefin 2026 am 10:00am.
Dyddiad y cyfweliad
10 Gorffennaf 2026 yn 2 Sgwâr Callaghan, Caerdydd, CF10 5BT.
Rhagor o wybodaeth
Os hoffech gael sgwrs anffurfiol am y rôl, cysylltwch ag Adnoddau Dynol ar 02920 348200 neu HR@cinw.org.uk.
Lawrlwytho