Diwygio cynlluniau ar gyfer penodi Esgob Bangor

Mae'r Eglwys yng Nghymru wedi cyhoeddi cynlluniau diwygiedig ar gyfer penodi Esgob newydd Bangor yn dilyn ymddeoliad y Esgob blaenorol ddiwedd mis Awst.

Ar ôl cyfarfod cychwynnol o'r Coleg Etholiadol ar gyfer yr esgobaeth, penderfynwyd peidio â bwrw ymlaen â'r broses etholiadol am y tro a cheisio cymeradwyaeth Corff Llywodraethol yr Eglwys ar gyfer cynllun amgen dros-dro.

Cynigir y dylid gwahodd esgob profiadol i ddod i Fangor am gyfnod o un i ddwy flynedd i ddarparu arweinyddiaeth a sefydlogrwydd ac i weithio gyda'r esgobaeth i gryfhau arweinyddiaeth, cyllid, llywodraethu a rheolaeth.

Er mwyn gwneud hyn, bydd angen i'r Corff Llywodraethu gymeradwyo cynnig sy'n gwneud rhai newidiadau cyfyngedig i'r Cyfansoddiad i ganiatáu’r penodiad dros-dro. Bydd y cynigion hyn yn cael eu trafod mewn cyfarfod arbennig o'r Corff Llywodraethol yn Venue Cymru yn Llandudno ddydd Mawrth 25 Tachwedd 2025.

Y cynnig, sydd wedi'i gymeradwyo gan Goleg Etholiadol Bangor, a chan Bwyllgor Sefydlog Corff Llywodraethol yr Eglwys yng Nghymru, yw'r cam diweddaraf o'r gwaith sy'n cael ei arwain gan Archesgob Cymru, y Parchedig Cherry Vann, i fynd i'r afael â'r hyn a ddisgrifiodd yn ei llythyr at aelodau'r Corff Llywodraethol fel "heriau ariannol a sefydliadol anodd."

Yn y llythyr hwnnw, wrth amlinellu'r newidiadau, ychwanegodd: "Mae esgobaeth Bangor angen teulu cyfan yr Eglwys yng Nghymru i'w chefnogi wrth iddi lywio cyfnod o newid."