Gwobr Gymunedol i Ardd Gymunedol Eglwys Tregynon

Mae gardd gymunedol, a ddatblygwyd ar ddarn o dir eglwys ym mhentref Tregynon ym Mhowys, wedi derbyn gwobr rheoli cymunedol.

Derbyniodd Gardd Gymunedol Parson's Field/Maes y Parson, ar draws y ffordd o Eglwys Sant Gynon, y wobr gan Social Farms and Gardens fis diwethaf. Cyflwynwyd plac a map o'r holl erddi arobryn ym Mhowys i aelodau'r pwyllgor rheoli a gwirfoddolwyr, a byddant yn cael eu harddangos yn falch yn yr ardd.

Mae Social Farms and Gardens yn elusen genedlaethol sydd â chenhadaeth i wella iechyd a lles unigolion, cymunedau a'r amgylchedd trwy weithgareddau sy'n seiliedig ar natur. Mae Gardd Gymunedol Parson's Field/Maes y Parson wedi derbyn cyllid grant sydd wedi helpu i ddatblygu'r ardd dros yr ychydig flynyddoedd diwethaf.

Gallwch ddarganfod mwy am yr ardd yn y ffilm hon, a ddangoswyd yng Nghynhadledd Esgobaethol Llanelwy yn 2025.