Aeolod gwirfoddol o'r Panel Diogelu
Aelod gwirfoddol o'r Panel Diogelu
Cyfnod penodol o 3 blynedd
Lleoliad
Bydd disgwyl i'r deiliad swydd gymryd rhan yng nghyfarfodydd rheolaidd y Panel, a gynhelir bob chwarter. Bydd cyfarfodydd yn cael eu cynnal yn y cnawd neu ar-lein. Gellir cynnal cyfarfodydd yn y cnawd yn y Swyddfa Daleithiol yn Sgwâr Callaghan, Caerdydd neu mewn lleoliad addas arall i hwyluso teithiau aelodau'r Panel o bob cwr o Gymru. Bydd treuliau'n cael eu had-dalu i gwmpasu cost teithio.
Oriau
Mae cyfarfodydd fel arfer wedi'u trefnu am 2 - 3 awr. Yn ogystal, efallai y bydd angen 2 – 4 awr arall o amser darllen i edrych ar bapurau cyfarfod a gwaith achos cyn y drafodaeth. Mae papurau'n cael eu dosbarthu wythnos cyn y cyfarfodydd.
Diben
Mae diben y Panel Diogelu wedi'i esbonio yn ei Gylch Gorchwyl ac fe'i disgrifir fel - Darparu craffu annibynnol a chyngor arbenigol mewn perthynas â gwaith achos y Dalaith ar ddiogelu, gan gynnwys ymatebion i bryderon sy'n ymwneud â chlerigion, swyddogion eglwysig a gweithwyr yr Eglwys yng Nghymru, cymorth i oroeswyr, asesiadau risg diogelu a rheoli troseddwyr. Adolygu a gwneud argymhellion i Esgobion y mae Swyddogion Diogelu’r Dalaith wedi’u gwneud mewn perthynas â gwaith achos a rheoli risg diogelu. (Nid yw'r pwyllgor yn ysgwyddo’r cyfrifoldeb o wneud penderfyniadau am bryderon diogelu a rheoli risg ond mae'n bodoli i sicrhau ansawdd yr ymateb i waith achos diogelu o fewn yr Eglwys yng Nghymru).
Manyleb y Person:
Hanfodol
- Dealltwriaeth fanwl o Weithdrefnau Diogelu Cymru Gyfan a deddfwriaeth, canllawiau a rheoliadau eraill sy'n berthnasol i ddiogelu plant ac oedolion mewn perygl yng Nghymru
- Profiad o weithio gyda sefydliadau statudol a/neu anstatudol i gyfrannu at ddiogelu, gan gynnwys rheoli honiadau yn erbyn pobl mewn uwch swyddi o ymddiriedaeth a rheoli'r rhai a allai beri risg.
- Profiad o weithio ar waith achos diogelu gan sicrhau bod y cyngor a roddir a’r adroddiadau a'r rhyngweithio ag asiantaethau statudol a sefydliadau ffydd eraill a wneir, o ansawdd uchel ac yn cydymffurfio ag arfer gorau
- Profiad o weithio o fewn strwythurau pwyllgorau a/neu baneli
- Profiad o adolygu archwiliadau data ansoddol a meintiol
- Empathi â chenhadaeth a gweinidogaeth yr Eglwys yng Nghymru
Cais
I wneud cais am y swydd hon, cwblhewch y ffurflen gais a’I danfon ynghyd a’ch llythyr eglurhaol, I’r cyfeiriad e-bost: HR@cinw.org.uk
Sicrhewch fod yr holl ddogfennau a anfonir atom ar ffurf PDF.
Dyddiad cau
30 Ionawr 2026 @ 10.00 am
Dyddiadau Cyfweliad
11 Chwefror - Trwy Dimau M/S
Rhagor o wybodaeth
Os ydych chi am gael sgwrs anffurfiol am y rôl hon, cysylltwch ag Ant Griffiths ar HR@cinw.org.uk
Lawrlwytho