Aelod Tribiwnlys Disgyblu

Swyddi Gwag - Tribiwnlys Disgyblu yr Eglwys yng Nghymru

Mae Tribiwnlys Disgyblu yr Eglwys yng Nghymru yn ystyried honiadau o gamymddwyn yn erbyn clerigion, a rhai swyddogion lleyg, yr Eglwys yng Nghymru. Mae ei bwerau wedi'u nodi ym Mhennod IX o Gyfansoddiad yr Eglwys yng Nghymru.

Mae'r Tribiwnlys yn cynnwys cronfa o hyd at 17 aelod, gyda thri unigolyn yn cael eu dewis o’u plith i ffurfio panel i ystyried pob achos unigol. Mae pob panel yn cynnwys un aelod â chymwysterau cyfreithiol fel cadeirydd, un clerig ordeiniedig ac un person lleyg.

Mae nifer o lefydd gwag (naill ai ar gael ar hyn o bryd, neu byddant ar gael cyn bo hir) ar gyfer bod yn aelodau lleyg o’r Tribiwnlys.

Mae'r llefydd gwag yn cynnwys un ar gyfer aelod â chymwysterau cyfreithiol. Rhaid i’r unigolyn hwn naill ai fod yn gyfreithiwr neu'n fargyfreithiwr sy'n aelod cymunol o'r Eglwys yng Nghymru (neu eglwys sydd mewn cymundeb â hi). Mae'r aelodau â chymwysterau cyfreithiol (a) yn cwblhau dyfarniad rhagarweiniol o atgyfeiriadau (adroddiad ysgrifenedig ar a yw'r atgyfeiriad yn bodloni'r trothwyon perthnasol i fynd ymlaen i wrandawiad llawn) a (b) yn cadeirio gwrandawiadau llawn y Tribiwnlys.

Mae dau le gwag ar gyfer aelodau lleyg sydd â chymwysterau meddygol neu gwnsela achrededig a dau le gwag arall ar gyfer aelodau lleyg heb gyfeirio at gymwysterau penodol.

Mae llwyth gwaith y Tribiwnlys yn amrywio o flwyddyn i flwyddyn, ond gall aelodau lleyg ddisgwyl cael eu galw i 2-5 gwrandawiad dros gyfanswm tymor o bum mlynedd fel aelod o’r Tribiwnlys. Mae pob gwrandawiad fel arfer yn para naill ai hanner diwrnod neu ddiwrnod cyfan. Mae'r rhan fwyaf o'r gwrandawiadau yn cael eu cynnal wyneb yn wyneb yng Nghaerdydd, er bod darpariaeth i gyfarfod ar-lein mewn rhai achosion.

Yn ogystal, mae disgwyl i aelodau â chymwysterau cyfreithiol ymgymryd â thua 2 ddyfarniad rhagarweiniol y flwyddyn.

Mae treuliau pob aelod yn cael eu had-dalu. Mae aelodau â chymwysterau cyfreithiol yn derbyn ffi sy'n gymesur â'r ffioedd statudol sy'n daladwy i farnwyr eglwysig yn Eglwys Loegr.

Dylai pob aelod fod yn gyfforddus yn darllen a threulio tystiolaeth a chyflwyniadau cyfreithiol, a dylent fod yn gyfathrebwyr effeithiol gyda'r gallu i feddwl yn glir ac yn rhesymegol.

Dylai'r rhai sydd â diddordeb mewn ymgymryd ag un o'r rolau hyn anfon CV byr ac e-bost sy'n nodi eu rhesymau dros eu diddordeb yn y rôl i hr@cinw.org.uk erbyn dydd Gwener 13 Chwefror.

Gellir trefnu trafodaeth anffurfiol am y rolau gyda Chofrestrydd y Tribiwnlys drwy e-bostio hr@cinw.org.uk.