To Church in Wales home page

The Church in Wales - Yr Eglwys yng Nghymru

Tudalen hafan y Corff llywodraethol

 

Mae pob dogfen i’w lawrlwytho yn ddogfennau MS Word o 200k neu lai.

CORFF LLYWODRAETHOL YR EGLWYS YNG NGHYMRU

Yn Neuadd y Celfyddydau, Prifysgol Cymru, Llanbedr Pont Steffan, ar Ddydd Mercher a Dydd Iau 17 a 18 Medi 2008


Download

Agenda - Day 1

Cinio 12:30

  1. Gweddïau a Darlleniad o’r Beibl 14:00
  2. Hysbysu bod Mandat y Llywydd wedi ei iawn weithredu
  3. Cofnodion y Cyfarfod Cyffredin o’r Corff Llywodraethol a gynhaliwyd ar 2 a 3 Ebrill 2008
  4. Materion yn codi (os bydd rhai)
  5. Croesawu Cynrychiolwyr Cytûn ac eglwysi eraill
  6. Anerchiad y Llywydd
  7. Adroddiad y Pwyllgor Sefydlog
    • Cynigir argymhellion y Pwyllgor a geir ar ddiwedd yr Adroddiad.
  8. Colegau Ethol

    Cynnig: Bod y Corff Llywodraethol:
    1. iyn nodi’r Adroddiad parthed amseru’r Colegau Ethol i lenwi esgobaethau gweigion Tyddewi a Bangor;
    2. yn penderfynu, yn unol ag Adran 26 Pennod VIII y Cyfansoddiad, llenwi’r swyddi gwag gan:-
      1. y Coleg Ethol a gychwynnodd ar 1 Medi 2008 parthed Esgobaeth Tyddewi; a’r
      2. b) Coleg Ethol a fydd yn cychwyn ar 7 Hydref 2008 parthed Esgobaeth Bangor, ac wedi hynny os bydd angen, yn unol â’r ddywededig Adran 26 Pennod VIII.
  9. Adroddiad Corff y Cynrychiolwyr, gan gynnwys y Cyfrifon am y flwyddyn a ddaeth i ben ar 31 Rhagfyr 2007

    Cynigion: 
    1. Cymeradwyo Adroddiad Corff y Cynrychiolwyr.
      2. Y Comisiwn Cadeirlannau ac Eglwysi
    2. Newid Rheolau’r Comisiwn Cadeirlannau ac Eglwysi i roi mewn grym y cynigion a geir yn nodyn y Corff Llywodraethol ar ‘Y Comisiwn Cadeirlannau ac Eglwysi’.

      Yn unol ag is-adran (2) Adran 35 Pennod 11 y Cyfansoddiad, bod amodau’r cynnig hwn yn dod i rym ar unwaith.
      3. Cronfeydd Eglwysi Diangen
    3. (iii) Newid y Rheoliadau ar ddefnyddio’r derbyniadau a geir o werthu eglwysi, lleoliadau eglwysi a mynwentydd i roi mewn grym yr argymhellion a geir yn nodyn Corff y Cynrychiolwyr ar ‘Gronfeydd Eglwysi Diangen’.

      Yn unol ag is-adran (2) Adran 35 Pennod 11 y Cyfansoddiad, bod amodau’r cynnig hwn yn dod i rym ar unwaith.
  10. Adroddiad Gweithgor y Pwyllgor Sefydlog ar Gynrychioliaeth Merched yn yr Eglwys yng Nghymru

    Cynnig: Bod y Corff Llywodraethol yn:
    1. derbyn ac yn croesawu Adroddiad y Gweithgor ar Gynrychiolaeth Merched yn yr Eglwys yng Nghymru ac yn cymeradwyo’r argymhellion sydd ynddo;
    2. cymeradwyo’r Adroddiad i’r Dalaith, yr esgobaethau, y deoniaethau a’r plwyfi i’w ddarllen a gweithredu arno;
    3. gofyn i’r Pwyllgor Sefydlog drosglwyddo argymhellion yr Adroddiad i’r cyrff priodol i weithredu arnynt;
    4. gofyn i’r Pwyllgor Sefydlog adrodd yn ôl o fewn 3 blynedd ar y symud ymlaen a fu i weithredu’r argymhellion.
  11. Adroddiad Aelodaeth a Chyllid

    Cynnig:
    • Bod y Corff Llywodraethol yn cymryd sylw o’r Adroddiad hwn.
  12. Amser Cwestiynau

Cinio 18:30
Hwyrol Weddi (Capel) 20:00
Gweithdy Materion Corff y Cynrychiolwyr c. 21:00

Dydd 2

Boreol Weddi (Capel) 07:15
Gweinyddiad o’r Cymun Bendigaid (Capel) 07:30
Brecwast 08:00-09:00

  1. Adroddiad Cynhadledd Lambeth 09:30
  2. Cyflwyniad gan Fyddin yr Eglwys
  3. Ymgynghoriad Arolwg Addysg yr Eglwys yng Nghymru

    Cynnig: 
    • Bod y Corff Llywodraethol yn cymryd sylw o’r datblygiadau yn Arolwg Addysg yr Eglwys yng Nghymru, yn cymryd rhan yn y broses o ymgynghori cyn cyhoeddi’r Adroddiad yn 2009, ac yn cefnogi’r broses honno.
  4. Adroddiad Coleg y Drindod, Caerfyrddin

    Cynnig:
    • Bod y Corff Llywodraethol yn cymryd sylw o’r Adroddiad hwn.
  5. Arweinlyfr Gwyrdd y Plwyf

    Cynnig: Bod y Corff Llywodraethol yn:
    1. yn cefnogi’r broses a amlinellir yn y nodyn, ‘Materion Gwyrdd ac Arweinlyfr Gwyrdd y Plwyf’, fel dull o wella perfformiad amgylcheddol yr Eglwys;
    2. yn rhoi ei gefnogaeth i Arweinlyfr Gwyrdd y Plwyf ac yn cymeradwyo ei ddefnyddio yn y Plwyfi.
  6. Gwasanaethau Amgen a Gynigiwyd ar gyfer Angladdau

    Cynnig: 
    • Yn unol ag Adran 1 y Canon a gyhoeddwyd ar 29 Medi 1955 i ganiatáu defnyddio’n arbrofol ddiwygiadau a gynigiwyd i’r Llyfr Gweddi Gyffredin ac a gymeradwywyd yn amodol gan Fainc yr Esgobion, bod y Corff Llywodraethol yn cydsynio trwy hyn i ddefnyddio’n arbrofol am gyfnod heb fod yn fwy na deng mlynedd y Gwasanaethau Amgen a Gynigiwyd ar gyfer Angladdau yn yr Eglwys yng Nghymru (argraffwyd Awst 2008)
  7. Arolwg o Lysoedd yr Eglwys yng Nghymru

    Cynnig: Bod y Corff Llywodraethol:
    1. yn cymryd sylw o’r cynigion gan Mr Gerard Elias CF a Mr Andrew Keyser CF a gynhwysir yn yr adroddiad
    2. yn croesawu’r symleiddio a gynigiwyd ar strwythur llysoedd yr Eglwys yng Nghymru;
    3. yn gwahodd y Pwyllgor Sefydlog i gynnig Bil i weithredu’r cynigion sydd yn yr adroddiad ar yr un pryd ag y cynigir Bil i weithredu’r cynigion parthed Amodau Gwaith Clerigion.
  8. Adroddiad Amodau Gwaith Clerigion

    Cynnig: Bod y Corff Llywodraethol:
    1. yn cymryd sylw o’r adroddiad, ‘Arolwg o Amodau Gwaith Clerigion – Hydref 2008’;
    2. yn cymeradwyo:
      1. y Canllawiau Drafft ar Ymddygiad Proffesiynol Clerigion a’r Datganiad Drafft o Amodau Gwaith Penodiadau Clerigol; a hefyd
      2. y cynigion newydd parthed Polisi a Gweithdrefnau Disgyblu;
    3. yn gwahodd y Gweithgor i ymgynghori yn eang â chlerigion yr Eglwys yng Nghymru ar y cynigion ar Bolisi a Gweithdrefnau Disgyblu;
    4. yn yn gwahodd y Pwyllgor Sefydlog i gynnig Bil i weithredu’r holl argymhellion ar ‘Ddaliadaeth Gyffredin’.
  9. Cynigion gan Aelodau Preifat

    Bydd y Dr Peter Padley yn cynnig a Mr Nigel King yn eilio’r cynnig:

    • Bod y Corff Llywodraethol yn gwahodd ei holl aelodau i gyflwyno rhestr o hyd at bum gwaith* a fu o werth arbennig iddynt yn eu bywyd ysbrydol.

                     (*Cymerir y Beibl yn ganiataol).
  10. Y newyddion diweddaraf ar Brosiect Deintyddol Gasa
  11. Adroddiad Cronfa’r Genhadaeth Dramor

    Cynnig:
    • Bod y Corff Llywodraethol yn cymryd sylw o’r Adroddiad hwn.
  12. Adroddiad Blynyddol y Gymdeithas Gweddwon, Amddifaid a Dibynyddion

    Cynnig:
    • Bod y Corff Llywodraethol yn cymryd sylw o’r Adroddiad hwn.
  13. Dyddiad a Lleoliad y Cyfarfod Nesaf
    • Y mae’r Corff Llywodraethol wedi penderfynu cynnal y Cyfarfod Cyffredin nesaf ar 21 a 22 Ebrill 2009 yn Venue Cymru, Llandudno.