Defnyddio RSS gyda gwasanaethau ar-lein eraill fel Bloglines
Fel y nodwyd uchod, mae nifer o wasanaethau ar-lein rhad ac am ddim sy’n eich galluogi i gadw trefn ar borthiant RSS, yn cynnwys newsalloy.com a Google Reader. Byddwn yn defnyddio bloglines.com ar gyfer yr enghraifft hon, ond nid yw hyn yn golygu ein bod yn ei argymell. Cafodd pob cynnyrch ei gynllunio gyda phwyslais ychydig yn wahanol. Anogwn chwi i arbrofi a chanfod pa un sy’n gweithio orau i chwi.
- Ewch i bloglines.com a chofrestru fel defnyddiwr drwy glicio’r tag “register” ar gornel dde uchaf y dudalen. Mae hyn yn broses debyg iawn i gofrestru am wasanaethau ar-lein eraill.
- Porwch i’r dudalen sydd â’r porthiant RSS yr ydych am danysgrifio iddo a chlicio ar y botwm “RSS” oren ar y dudalen honno. (Yn achos Y Beibl yr Wythnos Hon, cliciwch ar y geiriad "Entries (RSS)" ar waelod y dudalen.)
Darllenwch hyn os ydych yn defnyddio Firefox. Os ydych yn defnyddio Internet Explorer, ewch i bwynt 6. - Gall defnyddwyr Firefox ddewis Bloglines i danysgrifio i’r porthiant, a chlicio ar y botwm "Subscribe Now".
- Bydd Bloglines yn awr yn cynnig rhai dewisiadau sut i danysgrifio i’r porthiant. Medrwch newid rhai ohonynt, ond y cyfan sy’n rhaid i chwi ei wneud i danysgrifio i’r porthiant yw pwyso’r botwm “Subscribe” ar waelod y ffurflen.
- Bydd y porthiant yn awr i’w weld yn eich cyfrif Bloglines, a bob tro y dychwelwch i’ch tudalen Bloglines, gallwch weld a ychwanegwyd eitemau newydd i’r porthiant. Mae rhai pobl yn dewis Bloglines fel eu tudalen gartref, fel y gallant weld unrhyw eitemau newydd pan fyddant yn cychwyn eu porwr.
- Mae angen i ddefnyddwyr Internet Explorer gopïo’r URL neu’r cyfeiriad ar dop y dudalen (goleubwyntiwch y geiriad gyda’r llygoden, degolwch a dewis “Copy”).
- Dychwelwch i’r dudalen Bloglines, llofnodi i mewn os na wnaethoch hynny eisoes, a dewis “Add” o gornel chwith uchaf y sgrin (fel y dangosir isod).
- Yn y blwch sy’n ymddangos gyda label "Blog or Feed URL", gludwch (de-glicio "Paste") y cyfeiriad yr ydych newydd ei gopïo, a chlicio "subscribe".
- Bydd y porthiant yn awr i’w weld yn eich cyfrif Bloglines, a phob tro y dychwelwch i’r tudalen Bloglines, gallwch weld a ychwanegwyd eitemau newydd i’r porthiant. Mae rhai pobl yn dewis Bloglines fel eu tudalen gartref, fel y gallant weld unrhyw eitemau newydd pan fyddant yn cychwyn eu porwr.