Sponsor an Organ Pipe
4,000 o bibau ar gael £15 - £1,000
Yr ydym eisoes wedi codi dros £100,000 tuag at adnewyddu organ odidog William Hill yn Eglwys Gadeiriol Bangor, yr organ bib fwyaf yng Nghymru, diolch i lafur caled a chyfraniadau caredig cymaint o bobl. Y mae'r organ yn rhan hanfodol o etifeddiaeth ysbrydol a diwylliannol Cymru.
Adnewyddwyd yr organ ddiwethaf yn 1954 gan John Compton, a byth er hynny y mae wedi cael ei defnyddio'n feunyddiol ar gyfer gwasanaethau, cyngherddau ac i ddibenion hyfforddi. Y mae'r defnyddio parhaus hwn wedi achosi traul mawr arni ac ar 31 Gorffennaf 2001 trowyd trydan yr organ i ffwrdd rhag digwydd niwed anadferadwy iddi.
Fodd bynnag, y mae cynlluniau ar gyfer yr adnewyddu ar y gweill ac yn awr y mae arnom angen ymdrech derfynol er mwyn i ni allu clywed swn gogoneddus organ y Gadeirlan unwaith eto. I'n cynorthwyo ar ymglais olaf yr Apêl yr ydym yn gwahodd unigolion, teuluoedd a chwmnïau i noddi un o bibau'r organ.
Ar ol ei hatgyweirio bydd gan yr organ tua 4,000 o bibau, yn amrywio o ran maint o 1/8 modfedd I 32 troedfedd. Bydd iddynt amrywiol ffurf a maint, wedi eu gwneud o fetel ac o bren.
Gellir noddi un bib am cyn lleied â £15
Bydd set gyfan, h.y. un stop sy'n cynnwys 58 o bibau yn costio £,1000
Os ydych yn dymuno cyfrannu trwy gymorth rodd os gwelwch yn dda nodwch hynny ar y ffurflen gais. Bydd hyn yn caniatau i'r Gadeirlan hawlio 28c am bob punt a roddwch oddi ar y Cyllid Gwladol.
Bydd y Cefnogwyr i gyd yn derbyn tystysgrif, ac mewn llyfr ar gyfer y dyfodol rhestrir eu henwau gyferbyn â'r bib arbennig a noddwyd ganddynt. Gallai hyn fod yn anrheg ddelfrydol I blentyn neu ŵyr, neu er cof am rywun.